|
|
Басты бет |
Сайт картасы |
Пресса залы |
Импрессум |
Байланыстар
|
|
|
Жаңалықтар мұрағаты
Жемқорлық фактілерін жариялау үшін арнайы веб-сайт әзірленуде
Азаматтарға жемқорлық фактілері туралы ақпарат жариялауға мүмкіндік тудыру үшін арнайы веб-сайт әзірленіп жатыр.
11 | 10 | 2008  Бүгін «Нұр Отан» ХДП аппаратында өткен «Жемқорлықпен күрестегі БАҚ-тың рөлі» атты дөңгелек үстел отырысында Жемқорлықпен күрес жөніндегі қоғамдық кеңестің жетекшісі, сенатор Оралбай Әбдікәрімов осылай мәлім етті, деп хабарлайды ҚазАқпарат.
«Нұр Отан» ХДП жанындағы Жемқорлықпен күрес жөніндегі қоғамдық кеңестің жалпыға бірдей пайдаланылатын ақпараттық ресурсы - интернет сайт әзірленіп жатыр. Кері баланысты тұрақты түрде қамтамасыз ететін бұл ақпараттық құрал негізінен сыбайлас жемқорлықпен күреске бағытталады. Сонымен бірге, Кеңестің арнайы веб-сайты ашылады. Осыны пайдаланып, азаматтар сыбайлас жемқорлық фактілері туралы ақпарат бере алатын болады», деді О. Әбдікәрімов.
Сенатордың айтуынша, журналистік зерттеулерге жағдай жасау мақсатында партия бағдарламасында тегін ақпараттық-анықтамалық мәліметтер базасын құру қарастырылған. Сонымен қатар, «Нұр Отан» партиясы БАҚ-пен және азаматтық қоғам институттарымен белсенді өзара қарым-қатынас жасай отырып, қоғамдық санаға үлкен өзгерістер енгізуге ықпал ететін болады. «Өздерінің жауапқа тартылмайтындығына сенетін шенеуніктерді көпшілік алдында жазалау үшін баспасөз беделін қолданатын боламыз», деді О. Әбдікәрімов.
Негізі: ҚазАқпарат /Қанат Мәметқазыұлы/
|
|
|
|
