|
|
Басты бет |
Сайт картасы |
Пресса залы |
Импрессум |
Байланыстар
|
|
|
Жаңалықтар мұрағаты
Үкіметте шағын және орта бизнес мәселелері әңгіме болды
Бүгін Үкімет үйінде Қазақстан Республикасының Премьер-Министрі Кәрім Мәсімовтің төрағалығымен шағын және орта бизнес үшін әкімшілік кед
14 | 08 | 2008  ҚР Үкіметінің жанынан құрылған ведомствоаралық ақылдасу-кеңесші орган болып табылатын Комиссия отырысының негізгі мақсаты - мемлекет пен бизнес қоғамдастығы әзірлеген үйлескен ұстаным мен кәсіпкерлікті дамытуға қатысты әкімшілік кедергілерді төмендету жөніндегі шаралар болып табылады.
Әділет министрі Зағипа Балиева отырысқа қатысушыларға кәсіпорындар мен жеке меншікті тіркеу кезінде әкімшілік кедергілерді жою жөніндегі кәсіпкерлік бірлестіктер мен халықаралық үкіметтік емес ұйымдардың ұсыныстар мен ұсынымдары жөнінде әзірленген нақты шаралар топтамасы ұсынылды.
Отырыс барысында сондай-ақ Экономика және бюджеттік жоспарлау министрі Бақыт Сұлтановтың лицензиялау саласындағы заңнаманы жетілдіру жөніндегі жұмыстарды жалғастыру туралы есебі тыңдалды.
«Атамекен одағы» Қазақстанның ұлттық-экономикалық одағының төрағасы Азат Перуашев Комиссия мүшелеріне жеке меншік кәсіпкерлік субьектілеріне тексеріс жүргізуді ұйымдастыруды жетілдіру жөніндегі ұсынысты білдірді.
Ұсынылған барлық құжаттар пысықталуға және талқылауға жіберілді, сондай-ақ Премьер-Министрдің тапсырмасы бойынша Комиссия мүшелеріне ағымдағы жылғы қыркүйектің ортасына дейін Қазақстандағы бизнес қызметін дамытуға ықпал ететін кейбір нормативтік-құқықтық актілерге қажетті өзгерістер мен түзетулер енгізу жөнінде ұсыныстар топтамасын әзірлеу міндеті жүктелді.
Негізі: ҚазАқпарат.
|
|
|
|
