Жаңалықтар мұрағаты
Жұмыссыздар саны 557,2 мың адамды құрап отыр – Экономика министрі
Ағымдағы жылдың бірінші жартыжылдығында жұмыссыздар саны 557,2 мың адамды құраған. Бұл - жалпы көрсеткіштің 6,6 пайызы, яғни өткен жылмен салы
 07 | 08 | 2008  Бүгін ҚР Үкіметінің 2008 жылғы алғашқы жартыжылдық қорытындылары бойынша өткен кеңейтілген отырысында ҚР Экономика және бюджеттік жоспарлау министрі Бақыт Сұлтанов осылай мәлім етті, деп хабарлайды ҚазАқпарат.
Экономика және бюджеттік жоспарлау министрлігінің ұсынған мәліметтеріне сәйкес, ағымдағы жылдың алғашқы жартыжылдығында 15 және одан жоғары жастағы экономикалық тұрғыдан белсенді халық саны 8,4 млн. адамға жеткен. Еңбекпен қамтылғандар құрылымында жалдамалы қызметкерлердің үлесі - 65,9 пайыз, өз бетінше жұмыспен айналысатындардың саны 34,1 пайызды құраған. Сонымен бірге, ағымдағы жылдың қаңтар-маусым айларында республика бойынша 132,3 мың жұмыс орны құрылып, оның ішінде 92 мыңы тұрақты жұмыс орны болып саналған. Бұл көрсеткіш бойынша ауылдық жерлерде ашылған жұмыс орны 65,3 мыңды құрайды, оның ішінде тұрақты болып саналғаны - 33,6 мың.
Негізі: ҚазАқпарат /Қанат Мәметқазыұлы/
|
