|
|
Басты бет |
Сайт картасы |
Пресса залы |
Импрессум |
Байланыстар
|
|
|
Жаңалықтар мұрағаты
Арыс қаласы қайта түлеуде
Арыс қаласында көркейту жөніндегі жұмыстар жүргізіліп, әлеуметтік мәселелер шешілуде. Арыстың өмір тынысы жайында қала әкімі Серік Тәукебаев айтып берді
15 | 08 | 2007  Түркістан-Сібір темір жолы магистралінің бойында 1900 жылы салынған ірі стансалардың бірі – Арыс бүгінде қарқынды дамуда. Шағын станса бірнеше жылда теміржолшылар қаласына айналды
«Өткен ғасырдың 90-шы жылдарында Арыс та шағын қалаларға түскен ауыртпалықтарды басынан өткізді. Станса арқылы өтетін құрамдардың күрт азаюы инфрақұрылымның құлдырауына, жұмыссыздыққа, халық пен жергілікті бюджеттің кедейшілігіне апарып соқты. Бүгінде Арыс қайта түлеуде. Біз жарты жыл ішінде 6,5 шақырым жолды жөндедік, бұл – 4 үлкен көше. Қалада 20 жылдан астам уақыттан бері күрделі жөндеу жұмыстары жүргізілмеген, ал бүгін ол қолға алынды. Таза ауыз су мәселесі де шешілуде. Егер бұған дейін су тәулігіне 18 сағат берілсе, енді қыркүйектің 1-інен бастап біз қала тұрғындарына оны тәулік бойы беруді міндет етіп қойдық», дейді С. Тәукебаев
Сондай-ақ, перзентхананы күрделі жөндеу жұмысы басталды. Мұнда жыл сайын кем дегенде 200 нәресте дүниеге келеді. «Қазір перзентханада асхана, кір жуатын орын және қазандықтан бастап сыртқы көрінісіне дейін күрделі жөндеу жұмыстары жүріп жатыр. Облыста мұндай жобада салынған перзентхана жоқ. Еуропаша безендіру, жаңа құрал-жабдықтар мен аппаратуралар – барлығы да ойластырылған. Алаңдар қалпына келтіріліп, жолдар салынуда», деді С. Тәукебаев
Негізі: http://inform.kz
|
|
|
|
